周國賢指前助手非小三
暫別樂壇兩年的周國賢（Endy）昨日首次開腔回應與老婆的婚變傳聞，早前有傳Endy搭上前助手，老婆一怒下帶囡囡避走加拿大，Endy自信滿滿說：「我哋冇嘢呀。（氹番老婆未？）我一世都會氹佢嘅，（傳聞佢避走加拿大？）唔係，嗰時自己有情緒病，囡囡本身又計劃咗去讀書，所以先決定去加拿大休息吓。」
提及前助手，Endy即劃清界線說：「我想喺度澄清我前助手唔係小三，嗰時我情緒有問題，公司都知所以派佢貼身陪我，嗰陣佢陪我最多，咁啱畀人影到亂寫，（嗰時你哋有冇私下聯絡？）冇，同事好少會私下聯絡，依家冇聯絡，見到面或者會打招呼。」Endy表示老婆現於多倫多照顧三個囡囡，他計劃九月或十月回多倫多享天倫。