關淑怡獲舅父撐 勢揪出賣者
曾洩露有尋死念頭的關淑怡，前日在網上發火狂轟被朋友一次又一次出賣，連兒子也替媽媽抱不平，關淑怡舅父也心痛外甥女被人「蝦」，揚言會徹查邊個出賣她，又力撐她獨力撫養兒子是偉大媽咪，力斥背叛她的朋友波動其情緒，令他極為擔心，希望可多給她鼓勵。
當紅一時的歌手關淑怡（Shirley），前日以千字文在官網狂呻被好友出賣背叛，在工作上也遭受不公平對待，連自稱是Shirley兒子關浚賢也看不過眼，在網上留言替媽媽抱不平，怒斥那些人沒有良心，不尊重媽媽，昨日Shirley舅父也戥她不值，聲言會去調查的舅父說：「見到外甥女咁，為自己利益夠膽出賣朋友，你話谷唔谷氣？係『蝦』到上面！」
獨力湊仔讚偉大
自稱是關淑怡舅父黃汝權昨晨主動致電本報，因為從報道得知Shirley被朋友出賣、不獲尊重，黃生說：「戥外甥女唔抵，好擔心佢！」他表示與外甥女淑怡雖然平日甚少聯絡，但有時生日聚會上都見到面，他說：「淑怡單身獨力養大個仔，你話幾偉大，依家連十幾歲個仔都出聲幫媽咪口，你知淑怡思想好波動，曾經又話要自殺、跳樓，我真係被嚇到驚過佢，驚佢做傻事丟低個仔，邊個理呀。」
望大家給予鼓勵
他可有聯絡Shirley給她開解？他說：「我今日唔好騷擾佢住，怕佢未夠穩定，刺激到佢更加麻煩。」舅父揚言會徹查邊個出賣外甥女，他說：「娛樂圈好黑暗，有啲演唱會傾傾吓又冇咗，佢會話：『舅父，你唔知內幕嘢，娛樂圈好黑暗。』」舅父慨嘆淑怡出道時發展幾好，後來因為個仔先沉下來，他說：「搞到佢思想波動，想出來唱又冇得唱，（佢經濟環境點？）我諗麻麻哋。」舅父指淑怡性格比較自閉，也不愛聽電話，他唏噓說：「邊個都唔可以干涉到佢，到今日佢都唔肯講個仔老竇係邊個，佢媽咪逼佢都冇用。」他希望大家可以給淑怡一些鼓勵，也想過找她一些朋友如曾志偉、譚詠麟幫手開解外甥女。
文：音樂組