陳豪自責冇時間陪仔玩

藝人陳豪及呂慧儀前晚在金鐘拍攝無綫新劇《潮流教主》，陳豪自責缺乏時間陪寶貝仔，他說：「想帶囝囝去游水同主題公園，但時間唔夾，收工返去瞓晒覺，有時朝早收工會玩一陣，但我話『爸爸要瞓覺』，大仔依依不捨嘅眼神令我好心痛！（大仔返playgroup，明星家長有着數？）冇，我以為有，咁樣公平啲，到佢哋讀幼稚園、中一面試仲緊張，我有排擔心，我唔排除送佢哋去外國讀書，等佢哋大啲先。（細仔終於改名陳浩鋒？）我有幫手改，係我唔好，改到古裝名、皇帝名咁！」