蕭定一晒老婆神奇巨肚
中國3D數碼公司老闆蕭定一與太太陳敏已育有一女，本月將再次榮升父母，現時懷雙胞胎至第37周的陳敏「肚大如籮」，迅即成為網民熱話
據阿一透露，太太預產期為本月26日，身為基督徒夫婦的二人選擇自然分娩：「太太身體OK，雙胞胎係男仔嚟嘅，每個BB已有7磅幾重，爺爺負責改晒名嘞，不過遲啲先公布。佢（太太）近兩個月冇出街，屋企分開兩層，佢差啲落唔到樓，每晚瞓覺想轉身，起碼要花十數分鐘，真係辛苦晒佢。」他表示會屆時會陪太太入產房。
惹網民質疑
阿一又謂太太產後計劃「封肚」：「夠喇！點都要有番啲我哋自己嘅生活嘛。（懷孕）本來以為得一個，依家咩都要改雙份，有啲打亂陣腳囉，好彩囡囡好乖冇呷醋。（網民質疑個肚大得誇張喎。）唔好話佢哋吖，我都未見過，真係好神奇。（點獎勵太太？）其實好難喎，佢咩都有，最想要都係我，所以我每晚都早啲返屋企陪吓佢。」趁機公然大晒恩愛。
文﹕影視組