洪卓立搵鍾舒漫講數
英皇旗下歌手洪卓立（Ken）、鍾舒漫（Sherman）、羅力威、林欣彤等日前翻拍電影《食神》經典「講數」場面為《七月十日溝埋一齊開Show》做宣傳。一字濃眉大肚腩戴金鏈的Ken，與扮演「火雞姐」的哨牙Sherman於街頭拍枱講數，言談中透露該騷將會有合唱及開騷的元素。
另外，Sherman昨日接受電台訪問時表示會與妹妹（鍾舒祺）夾份買車，問到會否向前男友吳浩康攞意見？她回答：「唔會，佢都唔好車，會問番啲專業人士。（近排冇聯絡？）久唔久有通吓電話。（佢有冇想追番你？）我只知佢好畀心機，冇將焦點放喺度。」
