葉翠翠下周嫁 諗起想喊
前港姐葉翠翠昨日與歌手吳若希、莊思敏到電視城錄影無綫節目《姊妹淘》，歌手泳兒和陳凱彤擔任嘉賓。翠翠將於下周六（11日）與圈外未婚夫Raymond結婚，因其母已離世未能見證她結婚令翠翠大感可惜：「結婚嗰晚會有一番說話同大家分享，依家諗起，我都有啲想喊！」又大爆結婚當日準備了神秘遊戲「玩新郎」。
吳若希日前在社交網站與網民對罵，昨日她就此致歉：「若果我嘅用詞係令到大家唔舒服嘅，我喺度同大家講對唔住，不過我都想得到基本嘅尊重。」在節目中分享「湯水養生經」的泳兒，自爆有「吸蒸氣」養聲的習慣，還笑言：「好似食鴉片！」而莊思敏亦藉日前港股小股災勸喻股民要作長線投資。
