樂易玲慶生P 胡定欣寸Bosco巴閉
無綫高層樂易玲今天生日，昨晚舉行生日派對，導演劉偉強、王晶、陳欣健、梁家樹夫婦、黃宗澤（Bosco）、胡定欣、胡蓓蔚、敖嘉年、梁烈唯、林欣彤、馬德鐘等到賀，雖然壽星女已下令勿送禮物，不少嘉賓仍帶同禮物，像陳欣健帶酒、Bosco亦有心帶同得意禮物。
樂小姐昨晚八時許到場，問到可有收到禮物？她說：「叫咗佢哋帶梳蕉嚟（兩手空空），如果有人送嘅都會捐去教會。（不醉無歸？）次次醉都唔係我，相信其他人會盡興。（有冇請不咬弦嘅歐陽震華？）邊個？冇喎！年年都冇試過。」
Bosco攜禮到場，因為覺得得意便買，是否手袋？他說：「絕對唔係。」他亦不擔心與舊愛胡杏兒同場：「同過啦，有咩所謂啫！」
期間胡杏兒好姊妹胡定欣與胡蓓蔚到埸，當準備入場之際，Bosco的座駕泊於派對門口，她要側身才成功入場，定欣寸爆Bosco說：「乜咁巴閉o架咩！」
