湛琪清幫表姐湊仔 享受做保母

湛琪清表示因天氣致皮膚敏感，故要努力護膚。

汪詩詩表妹湛琪清（Jessica）、藝人黃芷晴、歌手陳慧敏等前晚出席手袋品牌活動。問Jessica早前父親節如何度過？她透露與表姐汪詩詩、汪圓圓、蔡加讚等到西貢出海，自己並化身保母湊小朋友，她說：「我幫詩詩湊對仔女，一星期冇見佢哋，佢哋一見我就要我陪佢哋玩，想食嘢都唔准我去食。」她表示亦有幫圓圓湊女，換片餵奶都冇難度，更笑言享受保母一職：「唔覺得辛苦，因為鍾意同小朋友玩，好enjoy。」提到甄子丹拍戲受傷？她表示：「佢父親節要拍戲冇嚟，我都有message問候佢，佢成日都有好多危險動作，但咁多年都咁勁！」提到追求者？她表示仍然是約會中，有好消息會通知大家。

黃芷晴唔憂做

而黃芷晴透露家中有五十多個手袋，有大有少，被父母督促要執屋。提到工作，她表示先休息一段時間：「有同其他公司傾緊，爹哋都叫我休息先，之前都冇乜休息過，七月會同佢哋去大阪旅行。」她亦透露現忙於拍電影，十月將首次拍舞台劇，故對工作不感徬徨。另外，單身的陳慧敏透露渴望有男朋友，但一切隨緣，都以工作為先。

黃芷晴做孝順女，七月將陪父母去旅行。

陳慧敏直言恨拍拖。

文：名人組