魏駿傑為太太平反

魏駿傑及姜皓文齊齊為陶大宇主持飲食節目《我愛煮食男》擔任嘉賓，魏駿傑被問及有報道指其妻打扮花姿招展兼「唔湊女」，令婚姻關係危危乎？他乘機向太太發表「愛的宣言」﹕「大家都試過七年之癢，但搽止癢膏就冇事。我有信心同佢白首偕老，仲會追多個。」他自爆說：「我所有物業早已加咗太太個名，佢唔係揮霍之人，好多衫都係網購。我哋分工合作湊女，大家講個信字，唔會過問彼此行蹤。」大宇則表示對節目依依不捨，計劃出書來個總結。