薛凱琪有米新歡識十幾年
歌手薛凱琪（Fiona）被《好報》拍到日前跟駕駛名車的有米新歡到茶餐廳約會，兩人傾得十分投契，直至發現記者，Fiona即急call友人救駕，之後他們極速分道揚鑣。昨日Fiona現身電台，被問及此事她即否認緋聞：「佢係我圈外朋友，我哋識咗十幾年，而且幫襯茶餐廳都好正常。」
她續說：「我都有睇到篇報道，最緊要睇相影得好唔好。（對方係咪好有錢？）我識朋友唔會理佢有冇錢。（有冇機會發展？）我哋識咗好多年，中學識到依家，我只會同好熟朋友出街，好懶去識新朋友。（想唔想快識另一半？）我期待真姻緣。」她亦透露稍後到台灣拍戲要全講國語對白，故最近聘請了貼身國語女老師，隨時隨地可以學國語。
