蔡思貝撐甜蜜歐遊好正常
藝人蔡思貝、陳豪、楊秀惠及陳山聰等昨日為劇集《潮流教主》開工，提到同屆港姐陳凱琳被指與鄭嘉穎秘遊歐洲，思貝驚訝表示不知情，但認為朋友間旅行正常不過，還大讚凱琳ＥＱ高：「佢有個咁好朋友guide住佢心理狀況，相信佢處理得到，開心就好。」
楊秀惠劇中暗戀陳豪，思貝透露求學時也暗戀校內的籃球健將，被對方有型外表吸引，惟怕醜未敢表白，結果感覺亦隨之流逝。至於今屆港姐是非不斷，思貝一副經驗老到口脗謂：「唔起底點識你，都知有啲抵受唔到壓力退選，我覺得唔使太介懷，我嗰年都畀人講少少背景都周身唔自在，但過一排就唔記得，入行仲多感受，我都畀人寫幾耐，所以佢哋決定入嚟就要有心理準備。」陳豪就表示近日忙於拍劇，與一對兒子見面時間少，惟有捱眼與他們玩耍片刻。