嘉穎凱琳認交往 阿佘唔舒服
鄭嘉穎與陳凱琳（Grace）無懼年齡隔閡共譜「父女戀」，身在內地拍劇的嘉穎終冧爆承認兩人「交往中」，反觀昨晚Grace雖也認拍拖，但一反平日伶牙俐齒態度，竟兜圈回應戀情。而嘉穎舊愛佘詩曼原本昨晚與Grace同場，但最後阿佘以身體不適為由缺席活動。
「穎琳戀」熱爆全城，24歲的陳凱琳成功俘虜45歲鄭嘉穎的「浪子心」。二人月前被《好報》獨家拍得登堂入室「借影碟」令戀情萌芽，繼而到餐廳公然撐枱腳，嘉穎陪遊法國返港後，隨即以「男主人」身份為女方慶生合影，「洩蜜」愈來愈高調！
而嘉穎前日現身橫店，參與新劇《太極宗師之太極門》開鏡，終於開口承認兩人「交往中」，他接受訪問說：「（相愛）不是一個真人騷，就給我們多點空間就好了……（求婚？）那個不是我說了算，有些事情是互相尊重的，看大家覺得適合才可以，到時再說吧。（她父親反對？）這個事不要太相信。」
指爹哋清楚行蹤
至於Grace昨晚以司儀身份亮相《2015 TVB最受歡迎廣告頒獎典禮》，面對傳媒追訪戀情時，她竟一改平日的口齒伶俐，「嘉穎上身」般兜圈回應：「係囉，交往中，依家係多咗時間約會、了解大家為人同性格……兩個人嘅關係唔一定要講出嚟，私生活唔使公布天下嘅。（低調承認？）唔想再討論呢啲問題。（嘉穎公開前有通知妳？）有傾過偈，大家有默契。（公司畀壓力？）拍拖係正常事，個個人都會拍拖啦。（爸爸嬲完未？）Daddy清楚知道我行蹤，我哋關係好好，冇誤會。」
據悉，嘉穎「舊愛」佘詩曼原本昨晚亦現身頒獎禮，但最終以「身體不適」為由缺席，Grace對此回應說：「聽到佢話唔舒服，狀態唔好、嚟唔到好正常啫。（避你？）其他嘢唔推測嘞。」
文：影視組