金愛妍擲780萬「Bra」閉創業

南韓新沙士肆虐，來港發展兩年的韓模金愛妍（Kim）亦坦言非常擔心家鄉的疫情，但在此非常時期，她居然決定「冒險」回國，全為由她創立的自家內衣及泳衣品牌「Labelle K」。她坦言已籌備了近半年，更投資了100萬美元（約780萬港元），如今籌備工作正進行得如火如荼，內衣設計、用材選料、製作過程統統親自監督，故要港韓兩邊走。

百分百韓國製造

問Kim何以要身犯險境？她說：「我嘅品牌係sell百分百韓國製造，加上我想趕喺七月前推出，所以要返去親自監督，確保品質優良。」提到本港對南韓發出紅色外遊警示，她坦言如今明洞、東大門等旅客區的確少了遊客，普遍韓國市民亦有防疫意識：「我哋會避免去發現新沙士嘅醫療機構，同埋會戴口罩同勤洗手。」她透露六月尾會完成手頭上的工作返港，問她會否擔心屆時要被隔離？她笑言：「唔擔心，我會好小心，唔會染病。」

會跟周秀娜學習

Kim透露內衣會走性感及女性化的路線，並會有強勁的push up效果，令女生穿起來更有自信。問到她會否做生招牌拍攝廣告？她笑言：「一定會，同埋都會搵其他國家嘅女仔一齊拍，展現唔同嘅美態。」提到本地藝人周秀娜（Chrissie）、李彩華已創立內衣品牌，o靚模蕊蕊亦將加入戰團，會否怕多競爭？她說：「我知Chrissie個品牌做得好好，會向佢學習。不過我對自己都好有信心。（憑咩取勝？）我諗住送好多sample畀人試戴，大家試過之後，覺得好用就會返嚟買。」

服裝：TOPSHOP

場地：LUX

文：名人組