劉嘉玲法國受勳：飲出名堂
素來生活甚有品味的劉嘉玲前日於法國玫瑰山莊（Chateau Montrose）受勳左岸名莊騎士榮譽會員，正於法國參觀各酒莊的嘉玲受訪，對受勳感榮幸，並幽默笑言：「飲咗咁多年紅酒，終於飲出名堂！」嘉玲亦正計劃推出特別版葡萄酒，請同是「專家級」的梁朝偉試酒，並會將美酒贈好友！
影后劉嘉玲近期喜事接踵來！繼日前推出以她名字「Carina Lau」命名的葡萄酒品牌後，於法國時間6月18日，她又在法國玫瑰山莊（Chateau Montrose）受勳左岸名莊騎士榮譽會員，認真可喜！心情大靚的她在法國接受電話訪問，對於獲此榮譽，嘉玲說：「好開心亦都好榮幸，飲咗咁多年紅酒，終於飲出名堂。」
偉仔試酒
而由嘉玲自創的葡萄酒品牌「Carina Lau」前日發售，反應熱烈，問嘉玲會否考慮推出特別版贈好友？她笑言：「會呀，好嘢梗係要同朋友分享！（第一支送畀老公梁朝偉？）會叫佢幫手試，佢都係專家嚟，但唔能夠推出太多，始終靚酒產量有限。」嘉玲現正於法國參觀不同酒莊並試酒，她盛讚當地人相當好客，會邀請訪客到家中作客，令嘉玲更切實地了解當地的紅酒文化！獲受勳的嘉玲對紅酒當然甚有研究，但因人手有限，暫無意跟趙薇一樣投資酒莊。
趣怪聚會
無獨有偶，梁朝偉本月初獲法國頒贈「法國藝術與文學軍官勳章」，如今嘉玲亦在法國揚威，兩夫婦可算跟法國有不解之緣，嘉玲亦直言很喜歡法國，一年總會抽時間到當地度假。另外，葉童老公陳國熹前晚在微博上載他跟梁朝偉、杜德偉、鍾鎮濤的合照，見杜德偉表情多多，相當趣怪。
文：影視組