《東網Baby》夏日心動：蕊蕊胸狠回敬：我係正經人!
去年成為「寫真女王」的蕊蕊擁有34F蜜瓜胸，最新一期《好報》驚爆遭香港富商「F先生」親自出動開出30萬元「陪應酬」及玩「私影」，面對對方窮追猛打，蕊蕊要靠經理人才成功甩身，如今雖不再接到「午夜凶鈴」，但蕊蕊仍強調：「我唔會做呢啲嘢，就算有人畀錢約我食飯都唔會！」身為《東網Baby》「夏日心動」系列第一擊「Baby」的她果然潔身自愛！
入行6年的蕊蕊，由天使「柑桔」成功轉型為跳唱歌手，去年更憑34F「Big」爆上圍，成為寫真女王。人紅自然多人Like，除了是宅男女神外，昨日推出的《好報》驚爆蕊蕊遭香港富商「F先生」親自致電開出30萬元陪過夜一晚，儘管即時Say No，但對方竟改變策略WhatsApp她，再以同一價錢30萬元邀蕊蕊到「私竇」着泳衣做「私影模」，事件纏擾一個月，最後要出動經理人才能擺平「問價」騷擾。
所有電話要過濾
蕊蕊接受本報訪問時，她重申：「我係正經人家，唔會做呢啲嘢，就算有人畀錢約我食飯都唔會出席！」問「F先生」有沒有再搵她？蕊蕊說：「冇喇！我已經Block咗佢電話，佢連WhatsApp都Send唔到畀我，亦冇再打去我公司搵我！」她表示沒有再收其他問價電話，因為公司已實行「防預措施」，過濾一切奇怪電話：「就算收到呢啲電話都唔會同我講，佢哋會即時Say No！」
提到有意買千呎豪宅，蕊蕊說：「想喺呢兩年達成，依家都不停睇盤，心水係新界區，因為環境好，樓價都平啲！」問是否跟男友金剛拉埋天窗築安樂窩？她說：「依家以工作行先，兩三年內都唔會（指結婚），不過我好保守，如果要生小朋友就一定要結婚！」
火辣「Baby」第一擊
蕊蕊成為《東網Baby》「夏日心動」系列第一擊火辣「Baby」，美感和噴血度絕對令人心動，就連蕊蕊自己都話：「舊年寫真反應好好，雖然我今年冇出寫真，但為《東網Baby》出山影咗呢輯咁靚嘅相，雖然今次又去荒島，拍攝時又忍住唔食嘢，但有架咁靚嘅遊艇，效果又咁好，真係好榮幸！」
只要上《東網》Click入《ontv東網電視》娛樂節目，即可欣賞《東網Baby》風采！
文：專案組
攝：倪立煌、吳文聰
泳衣：aries swim wear