Kay聰同愛童話：發哥撮合我哋

張繼聰和謝安琪（Kay）兩人自婚後一直恩愛非常，這對模範夫妻早前分別獲邀擔任《我愛發哥》的嘉賓，當中兩人都不約而同表示最愛看發哥的電影是《秋天的童話》。

當日謝安琪表示勁愛發哥的電影《秋天的童話》，發哥即刻拉張繼聰落水：「你個張繼聰呢個麻甩佬，咪『船頭尺』囉！你咪鍾楚紅囉！你都好浪漫呀！」又讚謝安琪首《囍帖街》：「多謝你呀！唱隻《囍帖街》，你唱完之後條街冇咗喇！好彩你有唱咋！唔係真係死人喇！」至於張繼聰就自認最愛發哥在《秋》片的一句對白，還一度成為其座右銘：「曾經『船頭尺』（《秋天的童話》中發哥的角色）有句對白成為咗我嘅座右銘，就係『自己Happy咪得，使乜理人？』」

「大家熟咗好多」

結果直至播出後，兩人才發現大家也喜愛發哥的同一套電影！阿聰幽默地說：「我有睇到其他嘉賓問發哥嘅問題，畀我發現一名謝姓，好出名嘅女歌手（指謝安琪）同我一樣，好鍾意發哥嘅《秋天的童話》，令我覺得原來大家品味好近，我唔排除對嗰個女仔展開追求，甚至求婚。所以我覺得係發哥撮合咗我哋！」

至於被發哥大讚似鍾楚紅的Kay就笑說：「我嗰集係特別好睇，因為發哥話我係鍾楚紅呀！」對於和老公「撞戲」，Kay就稱：「我發現同張生（指張繼聰）咁蹺，大家不約而同都鍾意《秋天的童話》套戲。」Kay更笑言：「以前我哋唔係咁熟所以唔知，經過今次之後大家就熟咗好多。」連幽默方式都近似，果然好有緣喎！