何麗娟年尾沙灘行禮
早前宣布閃嫁圈外男友的HunterZ成員何麗娟（Kelly）已與未婚夫投入籌備婚禮：「依家擇緊日子喺香港簽紙，一係7月25日，一係8月11日，睇吓邊日多啲朋友嚟到就邊日啦！行禮則會喺年尾，又係二揀一，蘇梅島或者峇里島，想喺陽光與海灘搞，而蜜月就想去歐洲！」
生育計劃方面，Kelly笑言會配合老公：「佢想要幾個就幾個！」Kelly又大讚未婚夫：「佢入得廚房出得廳堂，一拍拖我哋就有計劃將來，佢亦好錫我！」而好姊妹蕊蕊及鄧詠雪都異口同聲話以工作為重，蕊蕊更指：「求婚還求婚，結婚還結婚啦！始終事業啱啱起步，呢個係我夢想，我唔會放棄，結婚呢啲放最尾啦！」