伍浩然扮陳奕迅樂壇發圍
糖妹師弟兼組合DSU成員伍浩然（Don），不時在商場上唱Live表演，其深厚嗓子吸引不少路人停下腳步細聽。從小熱愛音樂、又懂得創作兼彈結他的Don，一直抱有音樂夢。他自2001年參與無綫歌唱節目《超級巨聲》第一季後，憑穩定唱腔得到不少人注意，後來他簽下糖妹的唱片公司，為音樂夢踏前一大步！
Don表示不時模仿陳奕迅：「音樂發展上，希望一步一步嚟啦，但我自己視陳奕迅為偶像，我成日學佢唱歌！」之後Don即場演繹出陳奕迅名曲《一絲不掛》，聲線相當穩定！
已有不少公開演唱經驗的他，對音樂抱有堅持和主見，他笑說音樂偏向走英倫風格：「我哋音樂會比較輕鬆，風格好似台灣歌手李榮浩嘅音樂。」他又說希望歌迷能細聽他的音樂：「有啲fans會為追星而追，我會鍾意啲認真鍾意音樂嘅支持者。」