吳業坤提舊愛羅孝勇口窒老尷
成為同門師兄弟的歌手羅孝勇（Sheldon）及吳業坤日前接受《東網》《娛樂onShow》主持俞詠文（Angela）訪問，並討論同屆「巨聲幫」的發展！未知有心定無意，吳業坤主動提起Sheldon的前女友林欣彤，令Sheldon即時口窒窒，無從應對！
因參加無綫歌唱比賽節目《超級巨聲2》結緣的歌手羅孝勇（Sheldon）及吳業坤，最近成為同門師兄、弟，二人日前在《東網》節目《娛樂onShow》向主持俞詠文（Angela）透露鮮為人知的相識經過。
Sheldon表示與吳業坤早在初賽時見面，他更自爆因見到對方跟自己一樣帶結他參賽，決定主動「撩」對方傾偈：「我哋第一次喺《巨聲》嗰時面試，第一Round見到佢揹住結他，即刻過去撩佢！」吳業坤笑言被Sheldon健碩而俊朗的外表嚇親，更迷倒他身邊的女性友人！
吳業坤自愧不如
在比賽中分別奪第三及第五名的Sheldon與吳業坤，如今同樣成為歌手，問到吳業坤會否覺得輸得不值？他笑稱：「唔係嘅，呢啲其實好講所有嘢，要睇樣嘅……」明示自己外貌不及Sheldon，笑爆全場！
羅孝勇見招拆招
《超級巨聲2》中有多達8個參賽者留在娛樂圈發展，問到二人覺得未來五年誰會發展得最好時，自信十足的吳業坤二話不說選自己，惟Angela追問他有何優勢時，他即縮沙：「冇呀，真係隨便講咋。我覺得大家都會喺唔同領域度發展，真係每個都獨立，Mag（林欣彤）就係好……」更突然將波拋給身旁的Sheldon，令他一臉尷尬！想知道Sheldon如何拆招？就要密切留意《娛樂onShow》！
文：專案組
攝：張福宏