無綫藝員趙希洛在處境劇《愛．回家》中飾演「瞳瞳」，周旋於「宋禮勤」張振朗及「Terry」李偉健之間，引來網友熱論，最終「瞳瞳」情傾外形佔優的「宋禮勤」。現實中，希洛曾被靚仔初戀男友出軌hurt爆，自此擇偶要揀踏實專一男：「男友太靚仔會驚，口甜舌滑又唔OK，太有錢又多異性圍住，所以都係中庸啲好！當然對方又靚仔又專一就最好，但少之有少！」熱衷演戲的希洛最想挑戰另類角色：「想演精神分裂或者有缺陷，我好鍾意喺街望人，香港有好多唔同嘅人，有啲比較另類，都想演下。」
