歌手鄭融早前加盟新公司，再度與舊愛莊冬昕和鄧智偉的團隊合作，問再與舊愛工作可會尷尬？鄭融直言：「其實行動已經證明咗，辛苦嘅話都唔會再合作啦！喺音樂上一直都咁有默契，我負責表演，佢負責創作，而且之前嘅《借》同《還》都係出自鄧智偉手筆。」對於近年很多人批評唱歌不能做全職，鄭融卻不認同：「聽到會覺得唔開心，以前我會以為得自己咁諗，直至遇到老闆同佢哋，如果唔係遇到佢哋我可以唔做呢行喇！以前大家可能都係受薪嘅，只係負責執行，但依家有自己公司就可以一齊實現夢想。」
