Super Girls愛得起唔怕公開攣情

組合Super Girls為配合新歌特別訂造黑色西裝打歌服,成員Yanny踢爆姊妹Jessica經常獲西裝男搭訕。五女坦言接受同性戀,認為拍拖最緊要開心,真心愛對方就會公開戀情,不分性別。

Super Girls即將推出第二首自資歌曲《黑色西裝》,隊長Aka透露新歌增添女人味,她說:「首歌係講女性心態,表面好強、好有自信,內裏會幻想一個照顧到自己嘅另一半。(大家幻想對象出現未?)未呀。」鬼馬的五女即問記者有冇好介紹,Aka及Heidi更笑說:「透過呢度招男朋友。」

Jessica吸引西裝男

問到西裝男是否更吸引?「冰山美人」Yanny即爆料說:「通常喺街見到事業有成着黑色西裝嘅男仔都會望住Jessica。」一臉尷尬的Jessica即說:「因為我生得比較成熟。」此話一出,四姊妹即「心心眼」說:「好羨慕呀。」隊中最男仔頭的Cheronna坦言很難結識本地男,她說:「通常拍拖都唔係香港人。」

接受同性表白

問到如有同性向她們表白會否接受?五女異口同聲說:「接受到,世界大同,開心就得啦。(會發展?)如果真係啱都會,憑自己感覺走。(公開?)如果真心愛對方唔怕,冇乜問題,呢個世代冇所謂,自由戀愛。」

攝影:秦健輝

髮型:Yan、Calvin@HAiR

服裝:b+ab、AAPE@i.t

文:音樂組