蔡瀚億親解霆鋒頭難剪之謎

BabyJohn趁不用埋位便到上海四處遊逛，吸取不同文化。

蔡瀚億自2014年奪得金像獎最佳新演員兼簽了經理人公司之後，工作一個接一個，電影之卡士亦「愈接愈強」！最近有機會跟影壇兩大男星劉青雲、謝霆鋒合作新片《驚天破》，BabyJohn對於兩位前輩讚不絕口：「青雲係我嘅神級偶像，佢拍戲我會離遠偷師，睇佢點樣做，欣賞佢嘅演技，由於真係神級，所以就算完成咗拍攝，我都冇向青雲集郵，因為留念唔係用相可以表達，好希望可以用對手戲，嚟畀自己一個機會，去真真正正親近呢位神級偶像。」

親民無私教戲

BabyJohn對青雲近乎奉若神明，反觀另一型男謝霆鋒，BabyJohn亦很喜歡：「我讀中一、二嘅時候，曾經好想剪霆鋒頭，點知剪極唔似，今次可以合作，終於明白點解當年剪唔到，因為大家髮質好唔同。」他盛讚霆鋒雖然貴為影壇巨星，但一點架子也沒有，傾到啱傾的話題，如電影拍攝等，對方更會毫不吝嗇地教導，是位非常親切的好前輩。

謝霆鋒	跟型男霆鋒一起拍攝，令BabyJohn近距離知道兩人髮質有別。	劉青雲的神級演技令蔡瀚億大開眼界。

此行亦是BabyJohn首到上海，所以當不用工作時，便會周圍閒逛觀光，而今次上海之行，更在機程上，因有乘客要求調位，而令BabyJohn認識了荷里活公司一位創作總監，令BabyJohn又開心又難忘。

文：影視組