夢夢Ricky連體 頹瘦賀老友

戴夢夢與太極鼓手朱翰博(Ricky)的戀情因在街頭上演「剝裙洩憤」成全城熱話,兩人潛水近一星期後,終在好友范振鋒的生日派對大合照中出現,受負面新聞困擾的夢夢明顯瘦了一個碼,范振鋒更親證一對熱戀情人在派對中表現不活躍。

前歌手戴夢夢與人夫太極鼓手Ricky早前在中環拍拖斷正,之後更被《好報》拍到當街四度剝裙,夢夢的阿婆底底更一覽無遺,大受打擊的兩人自此「銷聲匿迹」,一直潛水未作回應。直至昨凌晨兩人終「浮面」,出席好友范振鋒的私人生日派對,同場還有好友林盛斌,范振鋒將大合照放上網,一對熱戀男女在相中雖面帶笑容,但卻略顯生硬,夢夢和Ricky在兩幅合照中都被友人隔開,夢夢更明顯比前消瘦。

范振鋒開P慶生

記者致電范振鋒談到生日派對,他表示明天(20日)才是42歲生日,預先與一眾好友慶祝,問到夢夢和Ricky是否也在場?他直言:「我同佢哋兩個都熟,夢夢仲係我唱片公司高層。」范振鋒更不忘力撐兩人夠老友:「之前叫佢哋唔方便可以唔嚟,但夢夢話冇問題,如期赴會。」

范振鋒透露見面時兩人心情一般,明顯不及平時雀躍:「我哋冇提佢哋啲事,大家傾吓偈、飲吓嘢,由9點玩到1點幾。」講到相中的夢夢瘦了很多,范振鋒直認是事實,問到夢夢是否幾日都沒有上班?他表示:「夢夢有聽過我嘅新歌mix版,因為佢係高層,有份做幕後工作。」另外,對於戀情曝光和出席生日派對,夢夢和Ricky在截稿前未有回應。

文:音樂組