吳千語向林峯派定心丸

女星吳千語昨日出席「貴茶綠寶石綠茶發布會」，穿上顏色奪目吊帶短裙的她稍露小蠻腰，還即席分享泡茶心得和技巧。大騷纖腰的千語，表示腰圍約有22至23吋，還笑言不是太過纖幼：「因為我係整體咁瘦，都唔算係特別幼，但我依家增肥中，因為嚟緊拍戲，導演同編劇都想我肥啲。」

想肥10磅包包臉

現年22歲的千語，可惜表示逐漸失去了baby fat：「人哋鍾意塊面尖啲，我就鍾意圓啲同飽滿啲，睇落會青春啲，想成個人肥番少少，太瘦會唔健康，（想肥幾多？）想增10磅，依家有100磅，（點增法？）睇營養師同搵健身教練幫手，主要都係運動加飲食。」

林峯	吳千語與貴茶（香港）有限公司董事陳偉松（右）、銷售及市務高級經理陳展業合照。

笑言冇愛情密碼

千語透露稍後與「長腿Oppa」李敏鎬拍攝電影《賞金獵人》，但並不是飾演情侶：「喺戲入面係一個團隊，會係合作嘅關係，（佢係咪你偶像？）我好欣賞佢，有睇過佢嘅劇，（男友林峯咪好擔心？）唔係太溝通到，所以唔使太擔心。」談到林峯早前表示會跟她用愛情密碼溝通，她笑說：「我從來冇收過呢啲數字密碼喎，正常都係文字多，未去到密碼，（用表情符號？）用icon同識郁嗰啲多啲。」

文：名人組