Twins嗌交就散Band
Twins早前接受新城電台節目主持艾力的專訪，她們表示舉行15周年演唱會是想為港人打氣發放能量，皆因鍾欣潼（阿嬌）的笑點很低，蔡卓妍（阿Sa）笑住話：「人哋可能以為我每日塞五百蚊畀佢，日日走埋一齊可以咩都笑一餐。」
阿Sa又指和阿嬌的感情比另一半還要深厚，她說：「Twins從來冇諗過要解散，我唔係迷信嘅人，但以前試過一次去求籤，籤文話我同阿嬌有注定一齊嘅緣分，過程中會遇到好多事，但最後都會走埋一齊，係happy ending。」
阿嬌直指15年來沒有吵架，但試過冷戰，她稱：「我好清楚大家如果鬧交，Twins就會散，所以大家都會忍住自己啲脾氣。」主持人問到Twins：「拍拖難？還是做姊妹難？」二人齊聲表示：「拍拖難！」