Ivy@MVG缺安全感嗌分手
組合MVG成員Ivy（周曉彤）去年在朋友介紹下認識西班牙籍模特兒Adrian，兩人一撻即着拍拖年多，熱戀時曾雙雙赤裸上身影「蜜」照，但日前突然鬧分手，傷透心的Ivy徹夜難眠兼不停喊，Ivy受訪時承認對方欠安全感而提出分手，她嗚咽說：「之前我哋分開過，今年我生日佢特登飛嚟香港陪我，因為我太愛佢，所以復合番。」
由於Adrian身在上海工作，兩人長期相隔異地，加上Adrian醋意濃，對Ivy失去信心：「佢成日覺得我有第二個，有次女性朋友買嘢我食，我影埋合照畀佢睇，佢都唔信我，一次又一次傷害我。」