鍾舒漫撐舊愛生日冇嗒女

英皇歌手鍾舒漫（Sherman）、林欣彤、馮允謙、羅力威及洪卓立（Ken）昨日出席「英皇五星六月新碟麥麥放送」活動，宣傳五人將於六月出新碟。穿上bra top及緊身熱褲的Sherman以「神奇女俠」look示人，她承認日前到長洲為舊愛吳浩康（Deep）慶祝32歲生日，問是否轉玩地下情？她說：「絕對唔係地下情，冇復合，一直有同佢聯絡，傾吓工作，始終識咁耐，唔係一、兩件事就會講Bye Bye。」

睇完忍唔住笑

提到Deep疑與索女過夜，Sherman表示認識該女友人：「真係唔關事，我睇完忍唔住笑。（平時同Deep傾咩多？）工作多，可能大家覺得佢幕前唔多做，但其實外面好多。」同場的羅力威表示最近榮升舅父，他笑言體能上已準備生B，而Ken則希望在35歲前成家立室。

吳浩康（左二）與大班朋友到長洲慶生，估不到被屈與索女過夜。	羅力威（左起）、鍾舒漫、馮允謙、林欣彤及洪卓立均於六月出碟。	林欣彤不及鍾舒漫性感，以可愛笑容搶分。

另外，Deep接受電話訪問時力斥「約索女過夜」報道離譜，他指該女子是任職唱歌老師好友的女友：「佢係我阿嫂，根本大家係一齊，只係其他人被人cut咗！我想同阿嫂講唔好意思，影響到佢，佢嗰日放低工作，山長水遠入長洲同一大班朋友慶祝我生日。」並指父親見Sherman時心情大悅。

有協議不過夜

Deep又自爆獲Sherman送背囊作禮物，問到對方何以早走？他說：「佢有嘢做，況且我哋有協議唔會一齊過夜。（復合機會？）佢肯咁遠嚟長洲，都代表我哋關係有進步，我仲努力緊。」

採：音樂組

文：影視組