黃家強父親節陪仔玩
黃家強昨日到電台宣傳新碟，他提到近日不時到內地登台搵銀，並表示仍有內地主辦商仍會用Beyond的名義作招徠：「預咗啦，有時寫係Beyond前成員，『黃家強』三隻字會大隻啲，唔會用得咁盡，大家有睇新聞都知Beyond冇可能再同台。」
問到可會與一對囝囝慶祝父親節？家強說：「諗住帶佢哋去郊野公園，老婆負責整午餐，我教佢哋放風箏同踩單車。」由於家強父親去年不幸病逝，所以父親節特別有感觸：「其實比較擔心媽媽心情同身體狀況多啲，爸爸走喖陣，佢成日諗埋一邊，依家OK番啲，我都會多啲陪佢。」