冼國林廿億影城開戲
陳嘉桓（Rose）昨午偕同經理人公司新簽約的師弟阮頌揚現身旅遊展，出席「專業旅運Ｘ西樵山國藝影視城合作剪綵儀式」。二人日前更於影視城拍攝了婚紗宣傳照，Rose笑言對師弟滿意非常：「第1次影婚紗相個男伴高過自己，仲可以畀我小鳥依人添。（發展成螢幕情侶？）都可以喎。」據悉，Rose於影視城酒店內有專屬套房，可見地位超然。
冼國林談到這個花費20億港元打造而成的影視基地非常有信心：「依家試業反應已經好好，應該好快回到本，只係擔心酒店房唔夠用，所以計劃再起多一間。（再喺其他地方起影視城？）唔排除。」他又指稍後會開拍一部以反映娛樂圈為題材的新戲：「Rose同阮頌揚都一定有份拍。（再簽人唔驚再生事？）唔可以因為過去嘅不快事，扼殺其他人嘅機會，況且阮頌揚好純品。」對於亞視成功賣盤，冼國林謂：「戥佢哋開心，起碼員工有着落，當然唔排除日後有合作機會啦。」
