子珊無意外闖效忠TVB
港姐出身的藝人徐子珊常傳約滿無綫後有意不再續約，昨日她開腔稱一直有與樂小姐談續約問題，亦喜歡香港無意向外闖。對於亞視有意向外間做得不開心的藝人招手，她更直言現時很開心，暗指續約成數很高。
藝人徐子珊與周嘉儀昨日為日本餐廳擔任剪綵嘉賓，子珊露出3吋事業線即場示範整壽司，更被司儀以「性感女神」稱呼，事後她笑言：「司儀玩吓啫，佢應該都係稿照讀。」子珊透露近做了不少藝術創作，好似學人做珠寶設計首飾和攝影，她說：「早前有朋友介紹，依家有機會與首飾公司合作推出個人系列，自己都想試吓。早前捐咗幅畫畀慈善機構，都籌到好多錢。」問到是否傾續約TVB的合約不如意，因而有意另謀出路的念頭，她說：「唔係，一直有傾，同樂小姐間中都傾吓，無問題。（有需要先搵你？）無聽過，合約期仲有一段時間o架。（向外闖？）我比較鍾意香港。（亞視向做得不開心藝人招手？）我做得好開心喎，冇諗其他地方。」
周嘉儀冇人追
另外，前新聞主播周嘉儀早前因其個人專頁管理員管理不善，令「讚好」人數大跌，令她表示要「怒炒對方」，結果事件遭網民指摘她的做法，昨日她活動上解釋：「自己要say sorry，係疏忽，言詞用得唔好令大家誤會，事件中無炒人。佢係義務幫我嘅男性朋友。」問到有否網民透過其個人網站追求她，她說：「冇呀，真係冇人追。好珍惜每位粉絲。」
文：影視組