夢夢被追擊 陳定幫暗寸Open

戴夢夢與Ricky日前被《好報》拍得在街上有親密行為。

戴夢夢自搭上人夫朱翰博後，是非一單接一單，先有人爆料指Ricky嫂疑兩度撞破幽會，之後《好報》再拍到夢夢與Ricky在街頭纏綿，夢夢更化身「股」神，當街剝裙發洩。

突然醒覺分手

電視台主持人Kawaii最近加入戰團，爆夢夢曾向舊愛索100萬禮金，最後疑有人劈腿，令婚事撻Q。有指事件男主角是堪輿學家陳果齊兒子陳定幫，陳定幫昨接受電話訪問坦承：「嗰個係我，不過百萬禮金係以訛傳訛，真正原因係臨結婚突然醒覺，覺得同夢夢性格唔夾，所以和平分手。」對於夢夢近日的是非，陳定幫寸爆說：「好驚訝，冇諗到佢咁激，睇報道先知佢感情生活好混亂，寄語佢好好生活，搞好男女關係。」陳定幫已跟藝人楊錳霏結婚，楊曾捲入「500蚊的士港女」事件，事件中楊因用500元紙幣支付22元的士車資而惹起網上罵戰。

陳定幫寄語夢夢好好生活。（資料圖片）

陳定幫和楊錳霏婚後非常恩愛。