張繼聰狂擦王菀之鞋博抓撈
歌手王菀之（Ivana）昨日偕同張繼聰、黃美棋、周家怡、楊淇等人出席太古城中心「波池的海」開幕典禮，眾人在巨型波波池中玩得不亦樂乎。
聞「夢朱戀」收口
談到樂隊太極鼓佬朱翰博（Ricky）跟戴夢夢的婚外情，阿聰認識Ricky，問到可知他跟夢夢拍拖？當阿聰了解到事情始末後即避談：「咁係唔簡單，唔可以評論，我要睇一睇先。」之後即扯開話題謂娛樂新聞只追到Ivana在金像獎中連奪兩獎，兩人就將「請食飯」變成話題，阿聰狂擦Ivana鞋說：「我都想請佢食飯，佢依家o係電影圈地位愈嚟愈舉足輕重，我都希望可以o的電影拓展吓，希望可以請佢食多o既嘢。（擦佢鞋？）美言幾句，希望畀o的隔籬角色我做吓，嚟緊幾年靠阿之o架啦！」氹到Ivana笑不停。父親節即將來臨，阿聰說會買禮物給爸爸，到時會提早與家人食飯慶祝。
美棋力撐吳綺莉
同場的美棋近日跟吳綺莉（Elaine）拍攝電台劇集，對有報道指Elaine拍劇時假戲真做、激動流淚，飾演其女兒的美棋解釋說：「佢o係劇裏面係有情緒病，場天台戲就係佢情緒波動，我要阻止佢跳樓。」她力撐Elaine專業，當日並非因其女兒卓林而喊，亦沒有被家事影響拍攝進度。因是首次合作，美棋笑言不敢關心Elaine，不知她可會介意提起相關新聞。
文：音樂組