Bobby續約無綫 11月開劇

亞視執行董事葉家寶昨日宣布亞視已覓得新投資者，除全新發展外，又希望與其他外間藝人合作，更點名指想邀歐陽震華。昨日記者聯絡Bobby，提到亞視有興趣邀他合作，他笑言：「佢搵老細搵得慢咗啦！我同珍姐傾咗啦！早兩日搵到都有得傾吓！依家遲咗喇。」

知遇之恩 唔講價錢

問Bobby是否已跟無綫正式續約？他說：「口頭上傾好晒，我同珍姐（戲劇製作總監曾勵珍）關係咁好，由我入行到依家佢都睇住我，我需要乜佢好清楚。珍姐係我伯樂、恩人，佢開到聲價錢點樣都好啦！」並指TVB從來沒想過不與他續約，對方更笑指要他於公司做好多年。Bobby謂：「我張約三月滿，區生（助理總經理區偉林）仲話唔好斷，追番上去。係囉！追番上去其實即係乜嘢意思？係咪百年歸老有啲乜嘢金？」問何時再拍劇？Bobby坦言曾勵珍已預他十一月開工。再問知否同劇有何演員？Bobby說：「未知呀，聽吓古仔先。」

曾勵珍	吳卓羲笑言續約條件是加人工。	歐陽震華與陳秀雯合作的《壹號皇庭》大受歡迎，自此成為收視福將。

吳卓義：冇TVB冇我

另外，吳卓羲（Ron）昨日出席活動，問他與無綫傾合約進度如何？Ron直言快滿約，但首要考慮都是無綫：「冇TVB用我，就冇今日嘅吳卓羲。」問有否向公司開出條件？Ron笑言想加人工。提到Bobby之前與無綫續約鬧出風波，Ron覺得是言語間有誤會。對於有傳Bobby反映拍古裝劇好攰，Ron笑說：「唔凍唔落水，唔熱唔拍古裝，咪出到我咁刻苦耐勞嘅演員。」

文：影視組