溫家偉開雪糕店 「玫瑰」冧吳若希

今期《好報》報道2008年參選港男而入行的「大隻仔」溫家偉近日有意擲過百萬在旺角開雪糕三文治店，據知他更找緋聞女友吳若希（Jinny）為他研發特色雪糕試味，更打算找她做生招牌。他日前現身尖沙咀為開舖做準備，先買兩條蕉和雞蛋仔醫肚，慳得一蚊得一蚊。他之後到多間雪糕店試味偷師，又駐足地產舖睇行情。溫家偉昨日回應本報時表示還未決定好新店選址：「依家兩間舖揀緊，一間人流較旺，但舖面細租又較貴，而且賣雪糕嘅showcase好大，怕門面唔夠闊畀客人睇晒所有味道。」至於營業時間，他說：「初開試業可能開到晚上十點，睇生意同人流會彈性延長至凌晨，希望可以盡快回本！」

被讚做生意有頭腦

而Jinny昨日回應本報時亦力撐溫家偉開舖：「好耐之前已經聽佢講啦，呢排都知道佢好努力搵緊舖，我覺得佢好有做生意嘅頭腦。」她更透露溫家偉專程為她調製了玫瑰味雪糕，已試味的她更大讚好味：「之前佢問我想食咩味，佢話我想食咩味都可以整畀我食，我就話想食一種清清地又有少少甜嘅rose味道，佢真係走去調製咗出嚟，我又覺得好好味，好期待佢開舖嘅時候大家會鍾意佢設計嘅味道。」問到男方是否在追求她，她指二人一直是很好的朋友。

擲過百萬開舖的溫家偉，不停到多間雪糕店試味偷師。	正為新店選址煩惱的溫家偉不時駐足地產舖。	李逸朗親自在新校舍度尺寸。

李逸朗七位數辦學

另外，跟溫家偉一樣冧女神有道、和前港姐朱晨麗過從甚密的歌手李逸朗，本身已是兩間playgroup中心老闆，上月再斥資七位數在九龍塘開新校舍，日前《好報》影到他到新校舍打點，落手落腳整理戲服及度尺寸。李逸朗昨日向本報表示新校舍已開業幾個月，問到他是否想與朱晨麗看齊，他否認並說：「搞教育係我自細嘅心願，以前係體育助學基金嘅受惠者，依家賺到錢就開playgroup幫人。」問到他會否開夠十間playgroup，他說：「唔會啦，我嘅終極目標唔係賺錢，係想幫人。」

文：專案組