Kawaii爆舊友要百萬禮金終「失婚」
曾與戴夢夢相交的Kawaii，前晚在now TV節目《娛樂審死官》爆夢夢舊戀事，有人「劈腿」最後結不成婚。對傳夢夢被Ricky太太掌摑，她有保留地說：「呢點我唔方便講，我只可講整件事上，記者影到夢夢與Ricky拖手、錫面呢啲高調親暱表現，完全是貼合夢夢愛得高調性格。」
節目中，Kawaii更大爆夢夢戀Ricky前，已見過她有三位不同的男友，其中一位本來已去到談婚論嫁的階段：「當時連幾多錢禮金已談論過，女家要求一百萬港幣，男家冇異議並打算以樓換錢，將層樓個名改係佢就得，可惜女方認為層樓只係居屋，希望現金落袋。所以今次事件就似佢過往戀情一般重複發生，並唔出奇。」據夢夢過去的緋聞所知，最為人有印象有玄學家陳果齊兒子陳定幫和製作公司高層Angus。