邵仲衡讚珍妹 純情小綿羊

無綫神劇《大時代》掀起全城深宵追劇潮，東網電視《娛樂onShow》特意邀來「大佬孝」邵仲衡擔任嘉賓，接受主持人俞詠文（Angela）訪問。提到「丁孝蟹效應」，邵仲衡直言情況已失控：「個情況已經開始out of control，我都估唔到有咩理由我一落停車場到我上到某間餐廳做訪問，中間有三個八、九十後話要同我合照，邵仲衡乜乜乜咁，我心諗我生得你出喎！」

藍潔瑛靚到冇得頂

一向敢言的邵仲衡認為直腸直肚沒甚麼大不了：「既然知道啲野，又分析過可以講嘅，咁咪講囉。」《大時代》中美女雲集，邵仲衡被Angela要求選出最美人選時，他謂：「呢個真係人比人，好難講話邊個最靚，好多個都好靚嘅。（當年？）玲姐（藍潔瑛）真係冇得頂，佢嗰種氣質真係冇得頂。珍妹（李麗珍）都係，咩都唔使做已經好似隻純情小羊咁。」不過「大佬孝」對於曾合作多次的郭藹明不予置評：「我同佢合作都唔會comment佢，何況依家？no comment啦！」

《大時代》重播，令邵仲衡人氣急升。	邵仲衡讚李麗珍樣貌十年如一日，似純情小羊。	邵仲衡直腸直肚，於節目點評圈中藝人。

欣賞黎耀祥愛演戲

問對他對於無綫一眾藝人有甚麼意見時，他指黎耀祥是一個喜歡演戲的藝人：「我同過祥仔喺外國開工，相處咗幾個月，佢都係一個喜歡做戲嘅人，我都好尊重呢樣嘢。我唔會理你高級低級，喺做戲上演員上，我只會欣賞人點樣設計同諗去表達個角色。」提到另一視帝陳豪，邵仲衡亦大讚對方有感染力，惟用詞則比較謹慎：「阿Mo（阿豪）真係可以令在場嘅人好開心，不過佢就唔會好似我咁諗得出就講，你見佢講嘢都好小心咁。」想知更多邵仲衡的獨特看法及評價，就要收睇《娛樂onShow》！

文：專案組　

場地：鵜舞