AnaR.心繫家鄉 擔憂親友
近日南韓新沙士肆虐，擁有韓國血統的名模Ana R.，雖然其母親已移居美國，但其餘親屬全都定居韓國，故非常擔心當地情況。Ana更大爆母親擔心得痛哭，她只好盡力安慰對方，並致電當地親友關心近況。
名模Ana R.及馬詩慧女兒王曼喜（Kayla）昨日齊齊出席慈善活動。母親為韓國人的Ana，坦言有留意新沙士在南韓肆虐情況，雖然母親現居於美國，但其他親屬仍定居南韓。她亦有致電於當地的舅父及表兄弟姊妹問候：「我舅父80歲，表兄弟又有個兩歲嘅女，我真係好擔心老人家同小朋友。」
與母親分享經驗
Ana坦言重視家庭的母親擔心得哭了，她即與母親分享當年香港抗沙士經驗，並認為韓國亦能走出困境。去年底曾與老公Brad到韓國探親的她，透露家人計劃年底來港旅行。而問到她可有計劃訪韓？她說：「本來有計劃去韓國公幹，不過喺新沙士爆發之前已經取消咗，我哋都唔諗住再去住。因為去公幹要接觸好多人，目前唔係太適合，可能延遲到年尾先去。」
王曼喜力撐慳媽
而王曼喜則透露其自家服裝品牌，將於下月尾推出，籌備過程中遇上不少困難：「因為造衫間廠喺印度，所以溝通上有啲困難，未達到我嘅目標。」而提到有報道指其母馬詩慧，因父親王敏德的自家品牌蝕錢，而非常慳家。Kayla坦言：「媽咪一向都慳，佢係屋企裏面最識用錢嘅人，依家更加勤力。（因為爸爸蝕錢？）佢依家教大家一齊慳啲，因為大家都鍾意買嘢。」
文：名人組