李亞男病愈復工 望夫妻檔搵銀
藝人李亞男自上星期因腸感染入院後，昨日首度復工，為無綫新劇《潮流教主》於九龍灣拍攝。經過一星期休養後的她，精神不俗，原來她在住院期間，獲老公王祖藍特地抽空返港探望：「我入院時佢（王祖藍）都有落香港一日，見到之後知我ok，冇想像中咁緊張，有咩都第一時間同佢講。」有愛情滋潤，難怪亞男極速復原。不過她卻未有因此而被老公要求「長歎」，相反亞男謂：「希望將來有機會多啲一齊嘅工作，起碼唔使分隔三、四個月咁遠咁耐，有個照應。」
陳豪孖大囝講道理
同場還有演員陳豪、羅仲謙、莊思明及蔡思貝等。雖然陳豪較通告時間遲了些少，但他亦全因不捨家中兩個囝囝，更笑言會同大囝講道理：「細仔得歲零，但我同佢講道理佢明o架！我當佢大人咁講，要解釋番好多事嘅因由。（真係明？）畀我感覺好似係，佢都幾早熟！」他坦言身為父母，非常擔心新沙士肆虐危及囝囝健康。
羅仲謙電視城約會
而羅仲謙亦大讚將軍澳電視城設計好，即使他與女友楊怡分開工作，仍能在公司相約見面，又提到談婚論嫁需要事業基礎。而莊思明亦大嘆在劇中與李天翔相戀，卻只限於柏拉圖式戀愛，零身體接觸：「我都想有！」
文：影視組