黃家強兄弟同心純音樂碟圓夢
重組Beyond近期成為熱門話題，儘管黃家強對此表現得意興闌珊，然而他對音樂的一團火從未熄滅，他推出的新碟，正是想表達個人理想，心底裏，還感覺與亡兄家駒並肩作戰。
前Beyond成員黃家強近日推出了新碟《沉香》及純音樂唱片，原來做純音樂一直是其亡兄黃家駒的夢想，家強說：「家駒好鍾意揸住結他，一個人玩已經好開心，好希望出隻純音樂唱片。呢隻唱片表達到自己另類嘅理想，亦可以話係同家駒一齊達成咗理想。」
樹立嚴父榜樣
廿二年前經歷喪兄之痛後，去年噩夢再次降臨在家強身上，父親患病離世，家強眼濕濕表示：「佢係我人生另一位好尊敬嘅人，我用音樂《一生雋永》去表達對佢嘅愛意。佢都好大年紀，走得都快，唔辛苦，佢好堅強，我希望自己人生都好似佢咁堅強去面對所有嘢，當然我好掛住爸爸。」他又指父親生前樹立起嚴父形象，家強會向爸爸學習，在一對兒子面對，做個稱職的嚴父。
化妝：Maggie Lee
髮型：Matthew Kong@Headquarters
文：音樂組