Crystal咀女駕輕就熟
張紋嘉（Crystal）將出演入行後第9套音樂劇，經驗豐富的她除了突破自己大講粗口外，還與女演員有親吻場面，不過她笑言排練時毫不尷尬，更直呼好玩：「細個讀女校成日玩o架啦！」自覺仍不專業的她希望一直參與不同音樂劇演出，誓要「Be professional！」
歌手張紋嘉（Crystal）日前為6月18日公演的音樂劇綵排，透露這次講述四個熱愛表演的年輕人合作搞音樂劇，但Crystal卻為了生活而放棄做職業演員。她飾演神經質又帶點癲的女生，希望能成為別人中心，為了塑造生活化感覺，劇中她更會講粗口！
「女校成日咁玩」
Crystal又預告有新嘗試，與現實中的自己截然不同，她說：「今次我會同個女仔Kiss。（尷尬？）唔會，仲覺得幾好玩添！（第一次同女仔Kiss？）唔係，細個讀女校成日咁玩o架啦！」
不經不覺，Crystal已參演過9套舞台劇，經驗尚算豐富的她卻坦言今次被考起：「音樂劇處理好多嘢，同埋同普通唱歌唔同，要重新再學過，好似和音同分部等等，預早咗好多時間練歌，加上要掌握喜劇節奏，令觀眾笑都唔易。」
誓向專業進發
Crystal表示每次演舞台劇都會學到很多東西，並能增加自信，對舞台劇有濃厚興趣的她被問到日後會否想做全職舞台劇演員？她自覺未夠好：「佢哋都係專業人士，做過好多戲，我唔敢講專業，只係Try to be professional，但會繼續做。」
文：音樂組
攝：吳文聰