吳若希勁吸金睇3000萬豪宅
歌手吳若希（Jinny）去年憑大hit歌《越難越愛》爆紅，短短半年成功吸金過千萬，榮升千萬富婆的Jinny昨日被目擊到西九龍睇何文田豪宅樓盤，主攻過千呎的三房單位，由於呎價高叫3.2萬，入場費最少三千萬，難怪Jinny高呼：「Out of budget。」
Jinny近年吸金力超強，廣告拍不停、登台唱不完，密密執下已晉升千萬富婆，孝順女Jinny為給母親及弟弟有個六星級的安樂窩，上周五已漏口風有意做業主，不足一星期Jinny昨日被目擊者發現在地產經紀陪同下睇何文田豪宅天鑄示範單位，見她主攻三房單位，又不停與經紀密斟及睇報價單，Jinny逗留半小時後獨自離去。
想家人住得舒服
原來Jinny相約好友Kellyjackie醫肚，戴上口罩的Jinny大方承認睇樓盤：「頭先望過吓啦！（心動？）Out of budget，依家都未定買邊區、自住定收租，希望呎價係萬幾蚊，今（昨）日睇嗰度要兩萬幾至三萬幾蚊一呎，不過睇吓都好，參考吓唔同樓盤、發展商同裝修。」
由於Jinny所睇的過千呎三房單位，入場費最少三千萬，問到Jinny心目中入市價錢？她說：「希望可以八百至九百萬，問題係呢個價錢未必買到好嘅地段，不過最緊要屋企人住得舒服。」
文：音樂組