高挑Charlie 索鬥谷胸心悠

《2015香港小姐競選》昨日在將軍澳電視城進行首輪面試，由無綫高層樂易玲、余詠珊、杜之克、監製陳旭亮等任評判，共面試134人，佳麗要以泳裝見評判，昨日所見質素參差，其中「高挑Charlie」Louisa，以橙紅色裙亮相，艷壓全場，加上她拍照時表現得體大方，令人留下良好印象。至於不論身形與樣貌均與2013年港姐冠軍陳凱琳相似的「素顏凱琳」Slivia，可謂贏在起跑線上，24歲的她坦言：「好多人都話我似（陳凱琳）！」數到全場最性感則非「谷胸心悠」Celine莫屬，穿上藍色吊帶裙的她，有意無意拋胸，露出4吋事業線，拍照後更禮貌地鞠躬，成功發射愛美神導彈。

除了上述3人外，23歲學生「翻版朱晨麗」Karmen打扮亦見清新；外表打扮帶韓風味的「港版秀智」Jessica，以白底花紋吊帶裙示人，但眼神略見閃縮欠自信，加上她挺胸收腹，忙住轉唔同甫士之際，卻handle唔到腋下一片烏卒卒，與一頭金髮、MK味濃的「密實娜姐」Ashley，同樣要作改善，以配合港姐大方形象。相反，「激凸醫生」Sunshine身為眼科醫生，樣子清秀甜美，惟需同凸腩講拜拜才有望入圍！

「港版秀智」Jessica	「密實娜姐」Ashley	「翻版朱晨麗」 Karmen

學歷極佳有劍橋準律師

港姐競選統籌經理余詠珊稱收到過千份港姐報名表：「本來今日預算有二百人面試，最終會揀16個入圍。（質素參差？）有啲，但好嘅好好，學歷同背景都好，有個喺劍橋讀法律，又有碩士生，我都出奇點解都嚟參選，但佢哋話『選港姐係夢想，想實現夢想！』」她又指因韓國爆發新沙士，已取消安排佳麗到當地受訓：「會轉去東京，同緊日本方面最勁嘅模特兒公司、超級模特兒、電影公司、名氣極大嘅明星傾緊，希望佢哋為佳麗做訓練，我哋會去一個禮拜，因為改動時間倉卒，行程濃縮咗。」她又透露港姐決賽將於8月30日舉行。

「素顏凱琳」Slivia

「谷胸心悠」Celine

文：影視組