一向敢言的黃秋生得悉龍小菌涉嫌高買，在Facebook留言指報警的超級市場「冇人情味」：「睇吓龍小菌去邊間超市買嘢先，咁冇人情味，保安又咁死板，千祈記住咪去（我提醒自己啫）。」邵子風見秋生站出來撐龍小菌，他即留言回應：「清者自清！多謝秋生！」
秋生昨日接受電話訪問，被問為何有此發言？他謂：「依家啲人小題大做，屙屎唔出都關政治立場事，教條主義、冇變通、唔用腦、唔分析、死板板，總之規則係咁就係咁，老虎咬屎忽都唔可以紅燈過馬路，咁嘅標準，香港百分之九十嘅人都犯法。」
