歌手陳柏宇昨現身電台宣傳新碟和音樂會，他透露今個星期尾成功攞一日假跟朋友到內地打高爾夫球，問為何不帶女朋友一起去？他笑言：「我成日叫佢玩，但佢冇乜心機學嘢。（咁會一齊做咩？）我哋呢排一齊多咗做運動，佢買咗本書跟住嚟做training，有時間我都會陪佢做。」他又稱想練番八舊腹肌，但不會在音樂會上騷肌。
