鄭嘉穎夾啱凹凸：感覺非常好

鄭嘉穎與陳凱琳的戀情成為城中熱話，兩人早前還被本報獨家拍到一齊撐枱腳。鄭嘉穎於昨晚活動即被追問兩人飯局詳情，嘉穎開心地說：「講過好多次，唔使咁驚訝，食吓飯，了解緊。（了解成點？）了解大家性格思維、諗法，透過說話去了解，感覺非常好。（兩人想法一致？）多謝關心，互相配合，一凹一凸，so far so good。」有指「穎琳戀」已去到訂婚階段，嘉穎說：「個故事發展得咁快，想像好豐富，多謝大家關心，之前講過畀啲發展空間我，真係當我冇講過，空間意思係唔好跟咁貼我，唔係做緊真人騷，唔需要report，唔使report每日發展咩事。（你幾時求婚？）講嘢一步一步嚟，依家冇嘢公布。」