「御醫」郭晉安 聞新沙士淆底

無綫藝員郭晉安昨日在將軍澳電視城為劇集《末代御醫》開工，講到韓國的新沙士疫情未受控，安仔表示：「好擔心，希望唔會擴散，如果擴散好多地方都去唔到，收到好多WhatsApp叫我唔好去青衣（懷疑有新沙士個案）。自己都要提高警覺，有發燒要即刻去睇醫生。（擔心仔女？）擔心o架，會教佢哋要多啲飲水，洗手，同埋畀佢哋食啲清熱嘢，唔好有炎症。（暑假同仔女去邊？）本來有諗過去韓國，但依家唔會諗啦，應該會去陽光與海灘嘅地方。」此外，安仔透露要為新劇學習把脈及中醫知識，但反而最難是文謅謅的對白，他笑謂大家拍攝時也不免NG。