阿嬌遭發哥追開門費十萬九千七

阿嬌：「我咁鍾意發哥因為有一次好偶然機會，我搭的士準備落車時候，等的士嘅咁巧合就係發哥，佢幫我開車門，好禮貌又對住我笑，印象非常好！我又鍾意睇佢嘅戲，所以好鍾意發哥！」

發哥：「嗱！上次同你開車門，你都未畀錢我，我記住呀吓！其實我見你嗰次係你兩姊妹金像獎嗰時，我開車門就唔記得，連利息一齊呢，都成十萬九千七，你記住呀！」

阿嬌開心獲發哥親自回覆。

放大圖片

自小曬「自然燈」

阿嬌：「我想問發哥，由細到大皮膚係咪都係咁黑呢？有冇曬過燈呢？」

發哥：「你估我係古仔（古天樂）咩？我點解咁黑呢？因為我細細個，我老媽子擠我喺田畿嗰度，佢去耕田，我曬啲自然燈嘅，所以曬到咁黑，我已經係黑底，冇辦法變喇！點樣搽啲白油都冇得變，加上依家行山就更加黑，不過呢，我都好想第日好似你咁白淨。」

阿嬌：「發哥同發嫂點樣可以保持咁恩愛，有咩方法？」

發哥：「講過啦！就係將阿膠溝啲蜜糖一齊飲，飲你唔死就算你夠運！」

阿嬌笑住欣賞發哥的風采，事後大讚他搞笑幽默：「我覺得發哥好風趣，同埋覺得佢真係對身邊嘅人好好，就算係唔識嘅人都咁好。」

文：陳偉立

採：羅宛君、陳奕熙

攝：秦健輝、唐豁莊、劉智源