孫耀威嘔吐大作 撼爆鼻樑
近日不少藝人鼻樑受傷，繼歌手張惠雅撞車撞歪鼻後，「宇宙最強」甄子丹拍戲時遭張晉揮刀劈爆鼻，昨日孫耀威（Eric）透過個人網誌自爆鼻樑同告受創，Eric上載一張鼻樑紅腫照片到instagram，並寫下：「發生意外，兩條鼻骨裂開，還要忍痛拍戲。」半百歌迷留言祝福。
陳美詩心痛
正為電影開工的Eric在電話透露在家跣倒撞爆鼻，他說：「前日出海去深灣玩花式滑水，因為啲水污糟又有垃圾，期間可能飲咗海水食物中毒，返到屋企又暈又嘔，嘔嘅時候跣親撞到個鼻，撞裂咗啲骨。」他表示原本昨日要做手術，但由於要開戲，故沒有做到。
Eric坦言今日才有時間處理：「聽日（即今日）去醫院用微創手術啪番直啲骨，醫生話約一個小時，但要全身麻醉，完全冇表面傷痕，冇破相，今日（昨日）用超級厚粉遮住，個鼻好似人哋整完容咁好闊。」而Eric女友陳美詩則說：「見到佢都心痛，希望佢快啲好番。」