鄧鉅明講心唔講金 逆市加人工

太子珠寶鐘錶公司主席鄧鉅明，昨日出席香港陀飛輪品牌萬希泉活動時，戴上由股票評論人陳永陸設計的「牛錶」，並謂：「希望牛市沖天。（研究開股票？）冇研究，但都有揸較穩陣嘅港交所（00388）。」問到父親節將如何與三名兒子慶祝？他說：「一齊食飯，佢哋問我鍾意乜，我話唔使啦，每人錫我一啖就得。我媽咪93歲，我都成日錫佢，父親節要求一吻都唔過分。」

良心老闆提升士氣

此外，他坦言現時鐘錶市場混亂，5月份公司生意額下降近12%，生意額下跌，直接影響前線員工士氣：「生意有上有落好正常，不過同事士氣要行先。（分多啲佣畀佢哋？）係，佢哋都要生活，要令佢哋有穩定收入。」而提到韓國發現新沙士，可有令遊客改為到香港消費？他說：「呢啲都係好短暫，兩、三個月嘅事，靠病嚟攞着數都唔光彩。」

雷頌德透露兒子每日瞓前都會畫畫給他。	（左起）萬希泉創辦人沈慧林、ISA老闆姚瑞添、楊貫一、馬時亨、陳永陸及萬希泉創辦人沈墨寧齊齊展示品牌的陀飛輪腕錶。	又南後悔從前沒有把錢投資到腕錶上。

黃又南後悔唔買錶

同場的歌手黃又南及音樂人雷頌德（Mark），均透露將與品牌合作推出陀飛輪腕錶。又南坦言很後悔從前把所有錢花在愛車上：「當時有錶想買，但冇買到，依家升值咗雙倍以上。」而Mark則透露父親節當天，將多花時間陪兒子。問到兒子會否畫父親節卡送給他？他笑言：「佢哋每日瞓前都會畫啲畫，仲一定要我睇。」

文：名人組